ԻՆՉՊԵ՞Ս ԸՆՏՐԵԼ ՄԱՆԿԱԿԱՆ ԿՈՇԻԿՆԵՐ ԱՇՆԱՆ ՀԱՄԱՐ

Ինչպե՞ս ընտրել ճիշտ մանկական կոշիկներ աշնան համար, որպեսզի չոր մնան անձրևոտ հոկտեմբերին, տաք մնան ցուրտ նոյեմբերին և չվախենան առաջին սառնամանիքներից: Ինչպե՞ս երեխաներին պատրաստել եղանակի բոլոր «անակնկալներին»: Այս հոդվածում մենք ձեզ կպատմենք, թե ինչին է պետք ուշադրություն դարձնել: Կաշվե աշնանային կոշիկներ Բնական կաշվից աշնանային կոշիկները իդեալական են վաղ աշնան համար։ Նրանք հիանալի պաշտպանում են աշնանային զովությունից, հիանալի տեսք ունեն, հարմարավետ են, դիմացկուն և շատ ուշ են մաշվում: Բնական կաշվից կոշիկները, որոնց ներքին նյութը նույնպես բնական կաշվից է, կարելի է սկսել կրել սեպտեմբերին, իսկ որոնց ներքին նյութը բայկայից է, կարելի է կրել նույնիսկ ցուրտ ձմռանը: Երկարաճիտ և կիսաճտքավոր կոշիկներ Կոշիկի այս կատեգորիան կարելի է վերագրել միջսեզոնին կամ ձմռանը, կախված նրանից, թե ինչից է պատրաստված ներքին նյութը: Երկարաճիտ և կիսաճտքավոր կոշիկները, որոնց ներքին նյութը բայկայից է, կրում են աշնանը և՛ չոր ու պարզ եղանակին, և՛ անձրևոտ օրերին։ Նրանք հիանալի տեսք ունեն ոտքին, չեն սահմանափակում ակտիվ շարժումները, հիանալի կերպով դուրս են մղում օդը՝ ներսում պահպանելով հարմարավետ ջերմաստիճան և խոնավություն: Ձմռան ամիսների համար նախատեսված են ավելի տաք մոդելներ՝ բնական մորթով երկարաճիտ և կիսաճտքավոր կոշիկներ։ Հիմնականում օգտագործվում է ոչխարի մորթի, որը հիանալի պահպանում է ջերմությունը և իդեալական է մանկական ձմեռային կոշիկների համար։ Կաշվե երկարաճիտ և կիսաճտքավոր կոշիկների տակացուն պատրաստվում է ջերմապլաստիկ էլաստոմերից (ТЭП)՝ շատ առաձգական և դիմացկուն նյութից, որը հիանալի պաշտպանում է ձնառատ հողի հետ շփումից: Ռետինե կոշիկներ Միջսեզոնային ռետինե կոշիկների ներքին նյութն արհեստական մորթուց է: Դրանք նախատեսված են շատ անձրևոտ ու ցուրտ աշնանային եղանակի համար, բայց ձյան վրա քայլել, նույնիսկ թաց ձյան, խորհուրդ չի տրվում։ Ճիշտ կոշիկներ ընտրելու համար անհրաժեշտ է հաշվի առնել 2 գործոն. 1. Այն տարածքի կլիման, որտեղ դուք ապրում եք: 2. Ապրելակերպ. քաղաքայի՞ն կոշիկների կարիք ունեք, թե՞ ավելի հաճախ կրում եք սպորտային կոշիկներ:

ԻՆՉՈՒ ՞ ՉԻ ԿԱՐԵԼԻ ՀԱԳՆԵԼ ՈՒՐԻՇԻ ՆԱԽԿԻՆՈՒՄ ՀԱԳԱԾ ՄԱՆԿԱԿԱՆ ԿՈՇԻԿՆԵՐԸ

Հաճախ որոշ ծնողներ, հատկապես այն ընտանիքներում, որտեղ մեծանում են նույն սեռի երկու երեխաներ, ֆինանսական խնայողության նկատառումներով, ավագ երեխայի կոշիկները որպես «ժառանգություն» փոխանցում են կրտսերին՝ ասելով, որ ավագ երեխայի հագնելուց հետո կոշիկները ներկել են տվել կոշկարարի մոտ, և նրանք կարծես նոր լինեն: Այո, թվում է, թե գումարի խնայում է, բայց արդյո՞ք դա իսկապես խնայողություն է: Արդյո՞ք չի ստացվի, որ այժմ խնայելով սանդալների կամ կոշիկների վրա, դուք ստիպված կլինեք շատ ավելի շատ գումար, ժամանակ, ջանք ծախսել փոքր երեխայի ոտքերի առողջությունը վերականգնելու համար: Ի՞նչ է կատարվում մանկական կոշիկների հետ, որոնք արդեն մեկ սեզոն կրել են. 1. Կորում է արտաքին տեսքը: 2. Քիչ թե շատ մաշվում է տակացուն, բայց դա միշտ տեղի է ունենում կոշիկների և ասֆալտի շփման հետևանքով: 3. Երեխայի մարմնի ծանրության տակ նստում է սուպինատորը: 4. Կրունկի հատվածը թեքվում է դեպի կոշիկի արտաքին կամ ներքին կողմը, ոտքերը ճիշտ դիրքում պահելու արդյունքում հարվում է: Եթե երեխայի ոտքերը լիովին առողջ են, դա տեղի չի ունենա: Բայց, ցավոք, հիմա նման հաջողակները չափազանց հազվադեպ են։ Շատ դեպքերում գրեթե բոլոր երեխաներն ունեն հարթ-վալգուսային կամ վարուսային բնույթի շեղումներ, որոնք հազիվ նկատելի են անփորձ աչքի համար: Ըստ այդմ՝ տեղի է ունենում նաև կոշիկի կրունկի հարում։ 5. Լայնանում է կոշիկը: Մանկական բարձրորակ կոշիկները պատրաստվում են բնական կաշվից կամ բնական նուբուկից, որոնք կոշիկը կրելու ընթացքում ձգվում են՝ ընդունելով ոտքի ձևը: 6. Հիգիենիկ կողմ: Նույնիսկ եթե երեխան կոշիկը կրում է գուլպայով, զուգագուլպայով, նրա ոտքերը քրտնում են, իսկ կոշիկների մեջ հայտնված փոշին նստում է խոնավ մակերես վրա և կես տարի անց այնտեղ ստեղծվում է ոչ այնքան հիգիենիկ վիճակ: Կոշիկը կրելու ընթացքում միակ փոփոխությունը, որը չի ազդում երեխայի ոտքերի առողջության վրա, կոշիկի արտաքին տեսքն է: Բոլոր մնացյալ վերը նշված կետերը «աղետ» են, որը որոշ ծնողներ, իհարկե, ոչ միտումնավոր փոխանցում են փոքր երեխային: Ուրիշի կոշիկները կտրականապես չի կարելի հագնել, հակառակ դեպքում կոշիկները կրողը վտանգի տակ է դնում իր ոտքերի առողջությունը: Կարող են առաջանալ այնպիսի խնդիրներ, որոնք դժվար թե առաջանային, կամ էլ սեփական խնդիրներին կարող են գումարվել այլ խնդիրներ: Յուրաքանչյուր կոշիկ «վերցնում» է առաջին տիրոջ ոտքերի առանձնահատկությունները, որոնք բոլորովին տարբերվում են ցանկացած այլ երեխայի ոտքերի առանձնահատկություններից: Եթե երեխան ունեցել է աննշան վալգուսային դեֆորմացիա, ապա այդ կոշիկները ձեռք են բերել վալգուսային դեֆորմացիայով ոտքերի ձևը: Եւ վերջում խնդրում ենք նկատի ունենալ, որ այն ընտանիքներում, որտեղ մի քանի երեխաներ են մեծանում, եթե մեծ երեխան ունեցել է օրթոպեդիկ խնդիրներ, նույնիսկ ֆինանսական ծանր վիճակում չպետք է փոքր երեխան հագնի այդ կոշիկները, քանի որ բուժումն ավելի թանկ կարժենա, քան մեկ զույգ կոշիկը:

ԴՊՐՈՑԱԿԱՆ ԿՈՇԻԿՆԵՐ. ԴՐԱՆՑ ՆԵՐԿԱՅԱՑՎՈՂ ՊԱՀԱՆՋՆԵՐԸ

Շատ ծնողներ, երբ երեխային նախապատրաստում են ուսումնական տարվան, ուշադրություն են դարձնում հագուստին և գրենական պիտույքներին։ Այս հոդվածում մենք կբացատրենք, թե ինչ են նշանակում «ճիշտ» դպրոցական կոշիկները, ինչպես են դրանք ազդում ուսումնական գործընթացի և առաջադիմության վրա: Ինչպես գիտեք, մանկական կոշիկները հսկայական դեր են խաղում երեխայի ոտնաթաթի ձևավորման, կեցվածքի, երեխայի լավ ինքնազգացողության և վերջապես ճաշակի զարգացման և արտաքին տեսքի նկատմամբ ճիշտ վերաբերմունքի ձևավորման գործում։ Դպրոցական կոշիկները պետք է լինեն՝ 1. Թեթև: Ծանր կոշիկների պատճառով ձեր ոտքերը կհոգնեն։ 2. Հարմարավետ: Հակառակ դեպքում անհարմարություն զգացումը կշեղի երեխայի ուշադրությունը։ 3. Բնական նյութերից պատրաստված, առնվազն ներքին նյութը։ 4. Շնչող, բայց ոչ շատ բաց՝ տարբեր խաղերի ժամանակ ոտքերը պաշտպանելու համար: 5. Առաձգական, շարժումները չսահմանափակող: 6. Ոտքի չափսին համապատասխան (ներդիրը կարող է 10 մմ մեծ լինել ոտքի հետագա աճի համար): 7. Էսթետիկ և դպրոցական համազգեստի հետ ներդաշնակ: Բացի այդ, դպրոցական կոշիկները պետք է ունենան բավականաչափ ճկուն տակացու, կոշտ հետևամաս և առնվազն մասամբ փակ քիթ, դա կօգնի խուսափել ոտքնաթաթի դեֆորմացիայից, ինչպես նաև ընդմիջումների ժամանակ հնարավոր հարվածներից: Բայց ամենակարևորն այն է, որ դպրոցական կոշիկները, որոնցով երեխան զգալի ժամանակ է անցկացնում դպրոցում, գոհացնեն երեխային: Հետևաբար, կոշիկների ընտրությանը պետք է մոտենալ ամենայն հետևողականությամբ և լրջությամբ: